სუფთა წყალი

პროექტის ,,COVID-19-ის გავრცელების პრევენცია წყალზე ხელმისაწვდომობის გზით” ფარგლებში სამეგრელოში მცხოვრები 50 მატრტოხელა ხანდაზმული უზრუნველყოფილი იქნა საკმარისი წყლის უწყვეტი მიწოდების სისიტემით. 5 კოლექტიურ ცენტრში ადაპტირებული იქნა და შეკეთდა სველი წერტილები, რომლითაც 100-ზე მეტი დევნილი სარგებლობს.

პროექტის შედეგად წყალზე ხელმისაწვდომობა გაეზხარდა სულ 150 მოქალაქეს.

პროექტი განხორციელდა საქართველოს ღია საზოგადოების ფონდის მხარდაჭერით.

ხარვეზები დევნილთა განსახლების პროცესში

როგორ ცხოვრობენ დევნილები სიცოცხლისა და ჯანმრთელობისათვის მომეტებული საფრთხის შემცველ ობიექტებში და რატომ ჭიანურდება კოლექტიური ცენტრებიდან დევნილთა განსახლების პროცესი, – ამის შესახებ გადაცემა “დისკუსია ლაივპრესში” არასამთავრობო ორგანიზაციების, ცენტრი “აფხაზეთის” ზუგდიდის ოფისის მენეჯერი ირაკლი ქოჩუა და “საუნჯეს” ხელმძღვანელი იაგო ფასანძე საუბრონენ.

ხელმისაწვდომობა სუფთა წყალზე

ზუგდიდის ერთ-ერთ ულამაზეს სოფელში მცხოვრებ 71 წლის ნატალიას ბაწარზე მიბმული ვედროთი არ მოუწევს ჭიდან წყლის ამოღება და 30 მეტრის მანძილზე ხელით ტარება. ჩამრთველზე თითის დაჭერით სამზარეულოში დამონტაჟებული ახალი ონკანიდან საკმარისი რაოდენობის სუფთა წყალს მიიღებს, ბოსტანს და ყვავილებსაც ადვილად მორწყავს, მსგავსად იმ 10 მარტოხელა ხანაზმული და მარტოხელა შეზღუდული შესაძლებლობების მქონებე პირებისა, რომლიებმაც პროექტის ხელმისაწვდომობა სუფთა წყალზე ფარგლებში მიიღეს მხარდაჭერა.

საუნჯეს პროექტი ,,ხელმისაწვდომობა სუფთა წყალზე” ხორციელდება ASB- საქართველოს მხარდაჭერით ზუგდიდის მუნიციპალიტეტის სოფლებში. პროექტი ითვალისწინებს ჭასთან ელექტროძრავიანი წყლის საქაჩების დამონტაჟებას და წყლის საცხოვრებელ ფართში მიწოდების უზრუნველყოფას.

პროექტი ხორციელდება ევროკავშირის ფინანსური მხარდაჭერით მიმდინარე პროექტის ,,თანაბარი შესაძლებლობები შეზღუდული შესაძლებლობის მქონე პირთათვის – სოციალური სერვისების მიმწოდებლების მხარდაჭერა რეგიონებში“ ფარგლებში, რომელსაც ASB-საქართველო ახორციელებს.

ფოტოები გამოქვეყნებულია ბენეფიციარების წერილობითი ნებართვით.

კონფლიქტები და მშვიდობის მშენებლობის პროცესი

,,მშვიდობისა და სამოქალაქო განვითარების ცენტრმა” არასამთავრობო ორგანიზაცია,,საუნჯესთან” თანამშრომლობით გამართა შეხვედრა თემაზე: „კონფლიქტები და მშვიდობის მშენებლობის პროცესი“შეხევდრაზე მოხსენებით წარსდგნენ მშვიდობისა და კონფლიქტების მკვლევარი ნათია ჭანკვეტაძე და კონფლიქტოლოგი ლალი დევიძე. შეხვედრას მოდერაციას უწევდა მშვიდობისა და სამოქალაქო განვითარების ცენტრის წარმომადგენელი ელიკო ბენდელიანი.შეხვედრას ესწრებოდნენ ახალგაზრდები, სამოქალაქო აქტივისტები და მედიის წარმომადგენლები.

ნინო კალადარიშვილი

ბერტა ფონ ზუტნერის მშვიდობის პრემიის მფლობელი ნინო კალანდარიშვილი გახდა. ის საზოგადოებრივმა ორგანიზაცია ,,საუნჯემ” წარადგინა.

ნინო კალანდარიშვილი 2012 წლიდან არის ,,ნაციონალიზმისა და კონფლიქტების კვლევის ინსტიტუტის“ გამგეობის თავმჯდომარე. არის ქართულ-აფხაზური და ქართულ-ოსური სამოქალაქო დიალოგების აქტიური მონაწილე. აქტიურად მუშაობს მშვიდობის მშენებლობის, სამშვიდობო განათლებისა და ნდობის აღდგენის საკითხების თეორიული და პრაქტიკული ასპექტების განვითარებასა და პოპულარიზაციაზე საქართველოში. ქალთა პოლიტიკური ჩართულობისა და ქალთა მონაწილეობის საკითხებზე განსაკუთრებით კონფლიქტებთან მიმართებაში გადაწყვეტილების მიღების დონეზე როგორც ქართულ, ასევე საერთაშორისო ფორმატებში.

ნინო კალანდარიშვილს განსაკუთრებული წვილი მიუძღვის ორგანიზაცია ,,საუნჯეს” განვითარების ხელშეწყობაში.

სმენადაქვეითებულთა საჭიროებების გააზრება და ადვოკატირება

ზუგდიდში, სასტუმრო „გარდენ პალასში“ არასამთავრობო ორგანიზაცია ,,საუნჯეს“ მიერ გაიმართა საჯარო შეხვედრა თემაზე: ,,სმენადაქვეითებულთა საჭიროებების გააზრება და ადვოკატირება“.შეხვედრაზე საუბარი შეეხო ყრუთა კავშირის ბენეფიციარების საჭიროებებს, როგორიცაა მათი კომუნიკაცია საზოგადოების სხვა წარმომადგენლებთან, პროფესიული განათლება, დასაქმება და სამოქალაქო ჩართულობის ხელშეწყობა. ასევე ყურადღება გამახვილდა სმენადაქვეითებული ბავშვებისა და მათი მშობლების გამოწვევებზე.შეხვედრაზე გამოვლენილი საჭიროებების ადვოკატირების მიზნით შეიქმნება საინიციატივო ჯგუფი.დისკუსიას ზუგდიდის ყრუთა კავშირის წევრები, ორგანიზაცია ,,ილის” დამფუძნებელი, ზუგდიდის მუნიციპალიტეტის საკრებულოს წევრები, სოციალური მომსახურების სააგენტის, სენაკის მუნიციპალიტეტის მერიის სოციალური სამსახურის და არასამთავრობო ორგანიზაციების წარმომადგენლები ესწრებოდნენ.პროექტი ,,ძლიერი სამოქალაქო საზოგადოება ეფექტიანი მმართველობისათვის“ ფარგლებში ჩატარდა, რომელიც ,,საქართველოს ახალგაზრდა ეკონომისტთა ასოციაციის“ და ,,World Vision საქართველოს“ მიერ ევროკავშირის ფინანსური მხარდაჭერით ხორციელდება.შეხვედრის თანაორგანიზატორი და თარჯიმანი ნონა კვარაცხელია Nona Kvaracxelia .ფოტოგრაფი: თემურ ბართავა Temur Bartava